Dægurlagatextar

Alltaf er nú gaman að heyra nýja íslenska tónlist. Ekki er ég alveg saklaus af því að hafa sungið texta sem eldast illa en hef það mér til málsbóta að ég var ungur og þetta var tíðarandinn... og þið vitið. "Símon er lasinn" er kannski ekki texti sem ég myndi senda frá mér í dag þó góður sé. Ég má til með að deila með ykkur tveimur línum sem rokk- og poppkóngar syngja þessa dagana. Þeir eru hoknir af reynslu og hafa ekkert sér til málsbóta.

Þessi lína hér væri í lagi ef Lenocie syngi hana en svo er ekki:

"Á diskóbar við dönsuðum frá sirka tólf til sjö"

Svo eru enskuslettur misfallegar í textum, sérstaklega frá predikara íslenskunnar:

"mundu þá að drottinn gædar þig gegnum daginn"

Ég varð bara að minnast á þetta. Ég veit að Páll Óskar og Bubbi fyrirgefa.

 

"Þar sem lognið hlær svo dátt"

....og þokan leikur mann svo grátt

Njótið dagsins!

Athugasemdir

[Hertoginn á Bjarti NK (IP-tala skráð) 8.7.2008 kl. 00:54]

...út úr þokunni stígur kynjamynd

[Bubbi J. (IP-tala skráð) 12.7.2008 kl. 16:14]

Sammála.

[Jón Halldór Guðmundsson, 12.7.2008 kl. 21:07]

Mér finnst flott hjá þér að vekja máls á óvönduðum textum.  Hins vegar er ég ekki tilbúinn að segja að þessar línur séu slæmur texti. 

Það sem einu sinni var sletta varð slangur yrði en er nú daglegt mál.

Þannig að í dægurlögum leyfa menn sér meira en í sálmum og ættjarðarkvæðum.

[Daníel Geir (IP-tala skráð) 13.7.2008 kl. 20:21]

Ég má til með að segja þér smá sögu fyrst þú minntist á Símon-textann.

 Ég var í vettvangsnámi og að kenna í ónefndum skóla í Reykjavík. Ég sat alvarlegur með kladdann fyrir framan mig og hóf að lesa upp. Þegar ég les nafn Símonar upp þá segir einn samnemandi hans "Nei hann er lasinn". Alvarleikinn hvarf og vegna lasleika aumingja drengsins hvarf alvarleikinn og mér varð hlátur efst í huga    

[Guðmundur Rafnkell Gíslason, 15.7.2008 kl. 09:00]

Góð saga Daniel!

Jón! Sitt sýnist hverjum. Slangur á stundum við sbr. "Ef þú smælar framan í heiminn". En fyrri setningin finnst mér hrikalega hallærisleg og sú seinni... þar finnst mér slangið óviðeigandi.

Annars var "ágætis" umfjöllun um 10 verstu texta íslandssögunnar í 24 stundum á síðasta laugardag. Þar voru Selfyssingar í efstu sætunum. Hvaða mórall er alltaf út í Selfoss? Er Einar Bárðar eitthvað að fara í taugarnar á mönnum?

[Dvergur (IP-tala skráð) 19.7.2008 kl. 23:36]

Alltaf einfaldara að gagngrýna en að geta sjálfur og gera.