Allt tekur enda...

...þar á meðal verkefnið sem ég er að vinna við sem mannauðsstjóri hér á Reyðarfirði. Nú er komið á hreint að ég er atvinnulaus frá og með áramótum. Er reyndar í hlutastarfi sem forseti, bæjarfulltrúi og tónlistarmaður. Það má nú kannski flokka sem áhugamál.

Nú vantar mig hugmyndir og langar að kanna mátt bloggsins. Endilega skjótið á mig hugmyndum. "Kommentið!!!"

Vinnan þarf helst að vera á Austurlandi því mig langar ekki að flytja. Eruð þið með hugmyndir eða vitið þið um laust starf sem gæti hentað?

Svo má alltaf búa sér til vinnu ef ekkert sniðugt býðst  Allt opið!

Athugasemdir

[SigrúnSveitó, 30.8.2007 kl. 13:11]

Ég er voða hugmyndasnauð. En ertu ekki menntaður kennari?

[Guðmundur Rafnkell Gíslason, 30.8.2007 kl. 13:43]

Jú mikið rétt, útskrifaðist frá Háskólanum á Akureyri fyrir 10 árum. Kennari er hugmynd:)

[Hertoginn á Bjarti NK (IP-tala skráð) 30.8.2007 kl. 18:22]

Tónleikahaldari,slá Einari Bárðar við og flytja inn Pink Floyd.Hvar er draumurinn um consert uppi við snjóflóðagarðinn,þarna að ofanverðu?Er það dauð hugmynd Gummi?The Wall á Neskaupstað er miklu magnaðri hugmynd en þegar Roger Waters setti upp í Berlín hér í denn.Hvernig væri að fara að spá í þetta aftur?

Kv.Hertoginn á Bjarti NK

[Karl Jónsson, 31.8.2007 kl. 08:46]

Frjór maður eins og þú Guðmundur verður ekki í vandræðum með að finna sér eitthvað að gera. Eru ekki fullt af tækifærum þarna í kring um þig? Miðað við "áhugamálin" þín, sem flestir myndu nú telja fulla vinnu  þá þarft þú að vera í vinnu þar sem þú getur sæmilega um frjálst höfuð strokið tímalega séð.

Ég er alls ósmeykur fyrir þína hönd en ef allt um þrýtur þá er alltaf pláss fyrir gott fólk í Skagafirðinum.......og ég með trommusett uppstillt í kjallaranum!!

[Einar Bragi Bragason., 31.8.2007 kl. 09:16]

Ef þú átt stofnfé þá er ég með hugmynd......

og svo vantar alltaf bílaþvottastöð á Austurland.....og svo eins og þú veist er þú einn af fáum mönnum hér sem kannt að reka veitingahús.

[Bjarney Hallgrímsdóttir, 1.9.2007 kl. 21:57]

sko, þú færð bara vinnu hjá Bylgjunni, getur stjórnað því bara heiman´frá þér, skreppur suður svona 2x í mán, 2-3 daga í senn og segir svo liðinu bara til í gegn um tölvusamskipti og símann.

Búin að leysa þetta og gangi þér vel í þessu nýja starfi...

[Hulda Elma Guðmundsdóttir, 6.9.2007 kl. 14:17]

Er ekki göngustígur til Alcoa?

[Guðmundur Rafnkell Gíslason, 6.9.2007 kl. 15:28]

Ég þakka svörin. Allt kemur til greina en... svakalega væri gaman að vinna aftur á Norðfirði.

Elma, það er göngustígur en yfir þunga umferðagötu að fara!

[Maggi Ásgeirs (IP-tala skráð) 11.9.2007 kl. 09:24]

Gummi, mig vantar mann til að reka alþjóðlegt upptökuver, svona sveitasetur með öllum fullkomnustu græjum og aðstöðu fyrir ofdekraða tónlistarmenn með sérþarfir! Spauglaust. Tónlistarmenn sem eru að taka upp eru oftar en ekki að leita að stað til að komast í ró, þar sem falleg náttúran og kyrrðin veitir innblástur en samt stutt í alla þjónustu. Nokkrir snillingar hér fyrir norðan eru komnir af stað (erum með hljóðhönnuð og upptökumenn), en ég held að maður af þínu kalíberi sé elementið sem vantar í formúluna. Bissnessvit + þekking á tónlistarbransanum.

[Guðmundur Rafnkell Gíslason, 11.9.2007 kl. 14:44]

Spennandi hugmynd Maggi. Þú veist hvar þú nærð í mig.