Þotuliðið með Rolex?

Þessi frétt kallar fram margar minningar um dansleiki og tónleika. Ég hélt samt að fólk mætti tímanlega á svona viðburði. Þetta voru víst boðsgestir sem voru að klára snitturnar og kampavínið á öðrum stað í húsinu. Skamm og svei á þotuliðið!!!!!

Ég man þegar KK-bandið slúttaði í Egilsbúð um miðnætti en mættu svo fjölda gesta þegar þeir voru að róta út úr húsi um 01:00. Þá var fólk að mæta.

Hvernig stendur á því að Íslendingar fara svona seint út að skemmta sér. Pælið í því hvað það væri ljúft ef dansleikir t.d. væru frá 22-02 í staðin fyrir 24-04 sem er orðið algengt. Ég veit um marga sem nenna ekki á böll eða tónleika því þetta byrjar allt svo seint. Væri ekki rétt að breyta þessu?

 

Óstundvísir Íslendingar spilltu tónleikum

Athugasemdir

[Hr. Örlygur, 4.9.2007 kl. 18:12]

Já gott væri að fá fólk fyrr á tónleika.

Örlög upphitunar-listamanns/hljómsveitar - sem spilar á undan stærri nöfnum (svo ekki sé talað um stórstyrni eins og Norah Jones) - er oft að spila fyrir hálftómu húsi.

Sem betur fer var stemmningin ekki þannig í Höllinni. Fjölmargir sáu M. Ward (þrátt fyrir að vera nánast óþekktur hérlendis) og fengu í bónus frábæra tónleika og Norah Jones sem leynigest (en hún ákvað að taka nokkur lög með kappanum þar sem hér var á ferð síðustu tónleikarnir í tónleikaferð hennar).

[Robbi (IP-tala skráð) 4.9.2007 kl. 19:12]

Nei þau hafa örugglega ekki haft Rolex á handleggnum, því annars hefðu þau mætt á réttum tíma því eins og allir vita þá ganga þau mjög nákvæmlega!

[Johann ingi Sigtryggson (IP-tala skráð) 4.9.2007 kl. 19:39]

Hr. Örlygur,

Það var skítalykt af þessu og það er ekki venja að ljósin séu kveikt þegar upphitunarbandið hefur lokið sér af.  Upphitunarböndin eiga að eins og eðli málsins samkvæmt að ná upp stemningu í salinn en þið kveiktuð ljósin eins og e-ð væri að og drápuð niður alla stemningu.

Þetta er genuine íslenskur skandall og Norah Jones sjálf "dissaði" þetta þegar hún kallaði M.ward aftur upp á svið og benti þá sérstaklega á að glamúrskíllinn hefði misst af honum í UPPHAFI TÓNLEIKA!!!!

 Og svo heitir nýji diskur Norah Jones "NOT TOO LATE" sem hún var að kynna.

Síðan ertu í raun að viðurkenna þennan skandal með því að rembast við að leiðrétta þetta í flestum miðlum/bloggum landans.  Það er ekki að ganga hjá þér.  Það eru rangmæli að tala um frábæra tónleika sem innihalda uppákomur sem þessar.

[Kristín (IP-tala skráð) 5.9.2007 kl. 02:58]

Sammála þér þarna Jóhann, þó að tónleikarnir sem slíkir fyrir utan þessa undarlegu uppákomu hafi verið frábærir.

En kæri Hr. Örlygur finnst þér þú ekki vera að gera lítið úr hinum almenna tónleikagest sem og gagnrýnanda morgunblaðsins með því að halda því fram að fólk hafi ekki gert greinarmun á upphitunaratriðinu og aðalatriðinu?

Ég hef farið á fjöldan allan af tónleikum áður en aldrei orðið vör við uppákomu sem þessa áður. Það er svo kannski smá munur líka þegar upphitunaratriði fyrir fræga erlenda hljómsveit er einhver lítil óþekkt íslensk hljómsveit sem spilar kannski tónlist sem á ekkert skilt með aðalatriðinu, eða þegar aðalatriðið er með upphitunaratriði á sínum vegum.

[Hr. Örlygur, 5.9.2007 kl. 11:32]

Sæl aftur,

það er viðtekin venja á tónleikum, að kveikja ljósin milli atriða. 

Því miður, þá er hinsvegar ekki venjan að upphitunaratriði njóti sömu athygli tónleikagesta og aðalnúmerin sem fólk hefur borgað sig inn til að sjá. Yfirleitt eiga þau meira skilið, en það er óeðlilegt að gera þá kröfu til fólks að það fylgist með böndum sem það hefur ekki áhuga á að sjá.  

Kristín; finnst þér þú ekkert vera að gera lítið úr litlum, óþekktum íslenskum hljómsveitum?

[Kristín (IP-tala skráð) 5.9.2007 kl. 15:21]

Hr. Örlygur;

Jújú, það getur vel verið að það komi þannig út hjá mér en það var nú ekki meiningin að gera lítið út litlum óþekktum íslenskum hljómsveitum (ég hef persónulega ekkert síðra gaman af að hlýða á slíkar) Vildi bara benda á að það er kannski smá öðruvísi þegar listamaðurinn er með sérvalinn einhvern á sínum vegum eða þegar tónleikahaldarar skella einhverri hljómsveit framan við til þess að hita upp (sama hversu góð hún er, lítil eða stór ) Ég vona að þú skiljir hvert ég er að fara með þessu og btw svo ég fari ekki að svara aftur og yfirtaka þetta annars fína blogg þá er ég ekki heldur að gera lítið úr þér sem tónleikahaldara, ok?  

Ég hef nú samt kannski svona mikla trú á fólki yfir höfuð að ég held nú að fólk hafi gert sér grein fyrir að um upphitun og hlé væri að ræða, en ég held að aðalgagnrýnin sé komin til vegna þess að þetta kom út eins og hálfgert diss (allir fremstu bekkirnir tómir í einu, fyrir utan eina konu) enda benti söngkonan á það sjálf í enda tónleikana að það hafi vantað alla fremst þarna í byrjun. Soldið skrýtið líka að nánast allir aðrir í salnum höfðu áhuga á að hlusta á upphitunina, eða var það kannski almenn kurteisi á sitjandi tónleikum að mæta á tíma? Ég held að það skipti nú ekki nokkru máli hvaða fólk hafi átt sæti þarna (elíta eður ey), en þar sem þetta voru tónleikar þar sem allir áttu númeruð sæti þá kom þetta bara soldið illa út. 

Hinsvegar Hr. Örlygur vil ég þakka þér kærlega fyrir þessu annars frábæru tónleika og allt það góða starf sem þú hefur unnið.

[Guðmundur Rafnkell Gíslason, 5.9.2007 kl. 18:20]

Ég þakka þessar fróðlegu umræður. Vonandi læra tónleikahaldarar af þessu. Hvernig sem á málið er litið þá skyggði þetta á annars frábæra tónleika. Um það eru flestir sammála. Samt tek ég ofan fyrir þeim sem flytja inn erlenda tónlistarmenn fyrir okkar að njóta. Takk fyrir það! Alltaf skemmtilegra að hlusta á "orginal" en íslenskt herm. Semsagt íslenskt eða erlent fyrir mig.

[Hertoginn á Bjarti NK (IP-tala skráð) 5.9.2007 kl. 21:15]

Hvað var eiginlega að ske á þessum tónleikum? Af hverju sátu allir í einhverju slow-motion ástandi? Veit svo sem ekkert um þetta,bara það sem fólk er að væla yfir á bloggsíðum undanfarna daga og er sléttsama um það.Veit ekkert hver þessi söngkona er og aldrei hlustað neitt á hana að ráði.Nina Hage er flottari og skemmtileg þar að auki,eða var það greyjið áður en hún varð endanlega rugluð og lagðist í hassvímu í Köben.Býr víst þar enn,eða svo frétti ég.