Ég er lifandi!

Engin ritstífla!

Engin blogghræðsla!

Bara mikið að gera í nýju vinnunni og engin nettenging komin á. Samt svaka gaman og góðir félagar með mér hjá Gámaþjónustunni. Mikið að læra um nýjan vinnustað sem er álverið. Nýtt mötuneyti. Góður matur. Smelli hér með mynd af einkaritaranum mínum honum Georg. Alltaf nóg að gera hjá honum.

Svo er hér mynd af starfsmönnum mínum á Reyðarfirði. Þó vantar á myndina Þórunni aðstoðarforstjóra, Óla Sigdór og Roman.

Er að hlaupa á fullu þessa dagana.  Lofa engu en er samt með áætlun sem ég ljóstra upp síðar.

 

Hver velur eiginlega gestadómarana í þáttinn hans Bubba? Villi og Björn Jörundur eru fínir. En Guð minn góður... Ég trúi ekki að Bubbi ráði þessu vali.

Þangað til næst,

lifið heil.

Athugasemdir

[Hulda Elma Guðmundsdóttir, 15.3.2008 kl. 13:30]

Mikið var. Ég hélt að þú værir búinn að loka búllunni! Gangi þér vel í nýja starfinu go fáðu þér hlaupaskó. Elma

[Jón Halldór Guðmundsson, 15.3.2008 kl. 13:31]

Mér finnst Villi mjög góður og Björn Jörundur er frábær.

Góður húmor hjá þeim. Fínir þættir bara.

[SigrúnSveitó, 15.3.2008 kl. 14:28]

Þarf að meila á þig um helgina...tveir drengir orðnir alvarlega spenntir að hitta GUMMA R! fyrir austan. Ég hlakka líka til.

Kærleikur.

[Einar Bragi Bragason., 16.3.2008 kl. 00:48]

það þarf bara að kenna þeim íslensku

[Guðmundur Rafnkell Gíslason, 16.3.2008 kl. 19:16]

Hæ Elma, ég segi það sama long time no blogg:-) Ég fékk fína hlaupaskó í afmælisgjöf frá stelpnum mínum og Nike jakka frá Gunnu þannig að ég er bara nokkuð flottur á skokkinu. Hljóp 8 km á föstudaginn og 18 á laugardag. Strangt prógram framundan!

Jón: Sammála.

Sigrún: Ekki spurning, sendu mér línu, ég reyni að taka vel á móti guttunum... og þér.

Einar: Við erum 7 sem erum íslendingar í Reyðarfjarðardeild fyrirtækisins og 11 eru pólverjar. Þeir tala allir ensku og sumir eru mellufærir í íslensku. Sumir fóru að eigin frumkvæði á íslenskunámskeið. "Helvíti gott, já, já" eins og þeir segja.

[Einar Bragi Bragason., 17.3.2008 kl. 00:48]

ha ha ha ha ég var nú að meina Björn Jörund og Naglbítinn

[Valdi (IP-tala skráð) 17.3.2008 kl. 15:05]

Mér finst þættirnir hans bubba ömurlega því miður mér finst þetta sorglegir þættir. Það eina sem mér finst  gott  við þenna þátt var að það komust 2 Norðfirðingar inn og allaleið í 10 manna úrslitinn en 1 þeirra ákvað að hætta þegar hann fékk að vita það.

BIð heilsa vinur.

[Gunnar Th. Gunnarsson, 18.3.2008 kl. 01:31]

Sammála Valda um Bubba-þáttinn

Ég leyfi mér að giska á að leyniáætlunin sé Reykjavíkurmarþon í sumar

[Guðmundur Rafnkell Gíslason, 19.3.2008 kl. 13:04]

Einar: he he þú meinar!!!

Nei Gunnar, ekki Reykjavíkurmaraþon.

[Ingvar Valgeirsson, 20.3.2008 kl. 17:19]

Björn Jr. getur á góðri stund verið ákaflega fyndinn maður og á þessum fáu mínútum sem ég hef séð af BHB hefur hann átt slatta af góðu gríni. Villi átti feykifyndið grín þegar hann sagði eitthvað eins og "flott hjá Víði Snæ, Jakobi Frímanni, gaurnum úr Botnleðju og stráknum þarna úr Rocky Horror" - þá átti hann auðvitað við Vigni Snæ, Jakob Smára, Adda trymbil, sem er einmitt bróðir Halla í Bornleðju og Pétur úr Jesus Christ Superstar. Grínið fannst mér fyndið, en þó langt í frá eins fyndið og þegar Bubbi fór að leiðrétta það - greinilega ekki að fatta brandarann. Væri hann hærður hefði maður getað séð hárið fjúka aftur þegar brandarinn fauk framhjá honum.

Gestirnir - sá að Dr. Gunni var þarna, sem er skiljanlegt, þar sem hann er músíkant og skemmtilegur álitsgjafi oft á tíðum. En að hafa einhvern þáttagerðarmann af Bylgjunni - hvað var það? Hver er næst, einhver næringarfræðingur eða formaður femínistafélagsins?

[Einar Bragi Bragason., 22.3.2008 kl. 15:25]

já eða hobitinn í Borgarstjórn

[SigrúnSveitó, 23.3.2008 kl. 09:25]

Gleðilega páska

[Guðjón helgi (IP-tala skráð) 29.3.2008 kl. 11:57]

ætli það sé ekki Barðsnes hlaup sem kappin æfir fyrir :)