Ásta Ragnheiður - Forseti Íslands

"Það hitnaði í þingsal Alþingis í dag þegar þingmenn ræddu störf þingsins og fundarstjórn forseta í dag. Meðal annars sagði Steingrímur J. Sigfússon, fjármálaráðherra, að Árni Johnsen, þingmaður Sjálfstæðisflokks, ætti að skammast sín. Ásta Ragnheiður Jóhannesdóttir, forseti Íslands, bað þingheim í heild að gæta orða sinna."

Hvenær hætti Ólafur Ragnar?

Er Ragnheiður Ásta... fyrirgefið Ásta Ragnheiður ekki forseti Alþingis? Kannski er hún handhafi forsetavalds þar sem Ólafur er í Kína, jamm ætli það ekki :-)

Annars: "Eru ekki allir í stuði?"

Og skammastu þín Árni Johnsen

Athugasemdir

[Guðmundur Rafnkell Gíslason, 8.9.2010 kl. 14:51]

Orðrétt er fréttin öll eins og hún var þegar ég bloggaði um hana hér að ofan innan gæsalappa.  Hún hvefur tekið miklum breytingum síðan þá og lengst heil mikið. Ásta Ragnheiður ekki lengur forseti Íslands, hennar valdatíð var stutt.

[Durtur, 8.9.2010 kl. 15:24]

Hún stýrði stutt en hún stýrði vel; þrefalt húrra fyrir fyrrverandi forseta vorum, frú Ástu Ragnheiði Jóhannesdóttur, hún lengi lifi!

Merki við daginn á dagatalinu, það þarf að minnast þessa ekki síður en Jörgen vini okkar Jörgensen. 

En að öllu gríni slepptu finnst mér skelfilegt að það sé algeng regla á mbl.is að breyta greinum eftir á til að ýmist stytta, lengja og/eða leiðrétta; eða jafnvel bara kippa heilu greinunum út, án þess að neitt sé á það minnst í greininni sem stendur (kannski) eftir. Þetta er vissulega mjög vægt form af sögufölsun en þetta er sögufölsun engu að síður. Maður á að láta vita af leiðréttingum og breytingum ef maður vill að eitthvað mark sé á sér tekið. 

Annars finnst mér vel við hæfi að skipta á "fréttariturum" og "íþróttafréttariturum" þarna--það er skandall að eina leiðin til að finna einhvern sem kann að skrifa þarna sé að fara á íþróttasíðuna.